bygdeposten

Digital nabokjerring

bygdeposten — Sat, 07 Jan 2012 23:25:13 +0000

Ruth Mauske frå Rævnæs er ei kvinne i sin beste alder i følge henne sjølv. Ruth har gjort sin store hobby og lidenskap om til eit levebrød. Bygdeposten fortel historia om Ruth og hennar strevsame liv.

Utskremt journalist køyrer inn på tunet på Rævnæs. Der blir han møtt av ei tullete kjerring med grått og flokete hår som imøtekjem han med løfser, søst og gammal lunka kaffi. Straks løfsene er satt i halsen blir vi med inn i stova til Ruth. Ruth leiter fram gamle julekaker og lunkar opp igjen kaffien før vi set oss i sofaen som avgir ei voldsom støvsky i det vi sett oss.

Ruth byrjar å snakke om det vi kom hit for å høyre om. Ho har nemleg i dei siste åra reist land og strand med laptokken, (eller kva det heiter, seier ho) sin og samla inn gamle strikkeoppskrifter. I beste Ivar Aasen ånd har ho vandra og gått over skog og hei for å kome til nye dører der ho kan gå inn og sanke nyttig stoff til boka som ho no i vår skal gi ut. Ho fortel at ho fokuserte på å gå inn i rolla som Ivar Aasen som best ho kunne, og at ho under heile reisa berre nytta ei undebreksle.

Ho har samla alle strikkeoppskriftene inn i eit enormt excel regneark som kan lastast ned her eller her. Eller kanskje her.

Denne her er bra. Kan dette vere årsaken til smørkrisa?

Her er ein video i det ho demonstrerer gamle gløymde kunstar. Slik laga ein nemlig søst under krigen smiler ho lurt.

Mann truga born med vegstikke

bygdeposten — Sat, 07 Jan 2012 22:31:30 +0000

Ein mann i 11-åra skal fredags ettermiddag ha truga fleire born i skulekrysset ved barneskulen med ei vegstikke. Borna var på veg heim i frå skule då hendinga inntraff. Mannen var vill og galen og slo om seg med vegstikka, medan han gaula og tuta som ein stukken gris. Mannen skal og ha kome med verbale trugslar både mot den eine og den andre, før han stakk frå staden på ein spark.

Har du tips om saka? Ta kontakt med bygdeposten på flaskepost.

Mannen var ifølge augevitner omlag 127 cm høg, vinterbleik i huda og kledd i islendar og heimestrikka topplue, samt ei ganske raud, rennande og snårete nase.

Dorullnisse konkuranse

bygdeposten — Sat, 19 Nov 2011 15:10:55 +0000

Leikonglaget arrangerer dorullnisse konkuranse i desember, det seier Tutti Kanutte leiar i Leikonglaget. Ho fortel at det vil bli utnemt vinnarar i fleire kategoriar bl.a.

Årets nisse
Årets dorull samling
Finast kledd nisse
Mr. Nisse
Business Nisse (Idar Vollvik)

For å vere med i konkuransen må ein levere dorullnissen sin til Leikong handelslag innan Onsdag 21. desember. Det blir offisiell kåring av vinnarar Fredag den 23. Desember. Fine premiar levert av Lavpannevåg Fiskeslofabrikk AS.

Kjære Tante og Onkel

bygdeposten — Sat, 19 Nov 2011 14:24:05 +0000

Ei kvinne frå Leikong har sendt inn eit brev til redaksjonen som ho fekk frå tanteungen sin. Både bygdeposten og kvinna syntest at det er verdig ein plass i avisa.

Kjære Tante og Onkel 15. November 2011

Tusen takk for julegåva eg fekk av dykk i fjor. Eg hugsar ikkje kva det var, men eg vart veldig glad og likte det svært godt. Eg trur nok at augo mine tindra, og at eg gret ein liten skvett av glede. Vi som er barn i dag, veit ikkje kor mykje fint vi får i høve til kva dokke fekk då dokke var små.

Det er ikkje nødvendig at dokke kjøper ei så veldig dyr julegåve til meg i år. Venninda mi Inger-Lise fekk ein stor dølahest til jul i fjor. Det tykkjer eg er i meste laget. Barn har ikkje så godt av så dyre julegåver. Til meg kan det greie seg med ein liten ponni. Det er vel også best at dokke sender med litt pengar til høy og til ein stall. Eg likar ikkje at dyr har det låkt.

Beste helsing og god jul frå

Maria

PS, dokke er yndlings tanta og onkelen min.

Mann satt fast i tre

bygdeposten — Fri, 28 Oct 2011 20:14:16 +0000

Foto: Kurt Josef Sjofel

Søndags morgon vart bebuarar i Ulsteinvik sentrum observang på ein mann som satt fast i eit tre. Mannen hadde sovna i treet, og forsøk på å få kontakt med mannen mislykkast. Publikum kopla då inn politiet for å få ned mannen, sidan det var fare for at han kunne dette ned. Politiet kom til staden, men hadde ikkje stige. På dette tidspunktet hadde mannen vakna og kom i hog at han hadde høygdeskrekk. Mannen nekta å klatre ned og var bestemt på å klamre seg fast for livet oppe i treet.

Tilslutt vart brannvesen tilkalla. Brannvesenet hadde nødvendig utstyr for å komme seg opp i treet og tvinge mannen ned med makt.

Ut på ettermiddagen vart mannen avhøyrt av politiet på lensmannskontoret i Ulsteinvik. Han har forklart at han klatra opp treet fordi han hadde mista ein mobiltelefon og ei boks med skråtobakk. Gjerningsmannen har truleg ein blåmandag i vente.

Gi oss ein ny sjans?

bygdeposten — Mon, 10 Oct 2011 12:19:18 +0000

Mange av lesarane har sikkert fått eit lignande skriv i posten. Redaksjonen har tatt seg litt friheiter og modifisert litt på brosjyra.

Kven har skulda?

bygdeposten — Thu, 06 Oct 2011 19:52:53 +0000

Må lesast med kjensle og nordnorgedialekt

Regnet drypp på ruta
Drypp
Den globale oppvarminga ligg å tuta
Drypp drypp
Kven har skulda?
Drypp drypp, drypp?

Kor lenge har det regna nå skal tru?
Sukk
Det har regna sida springfloa i våres
Sukk sukk
Æ bestille ei reisa til Kræta
Sukk sukk, sukk?

Katten sit på tunet
Snakk med katten
Det er han som er varast i garden

Froskemenn vart fanga i not

bygdeposten — Sun, 02 Oct 2011 21:56:57 +0000

Fredags ettermiddag var John Ronny Tyrkertoddy ute på Leikongvika med notbåten sin for å fiske slyr. På ekkoloddet såg han noko som kunne ligne på ein stim med haustgytande slyr. Han heiv då ut nota og gjorde eit forsøk på å fange stimen. I det han byrja å hale inn nota vart han observang på nokren menn som sto på Nykremsholmen å ropte og bar seg. Det holmemennene prøvde å gjer John Ronny observang på var at 9 dykkerar var på nede djupt vatn. Dykkarane var nede for å undersøke fortnøyningane til småbåtlaget. Forsøket mislykkast i å gjere John Ronny observang på dykkarane, den gamle saab motoren bråkar fælt har Tyrkertoddy forklart.

Når nota var nesten inne dukka dykkerane opp, John Ronny vart sint når han oppdaga skadene som var påført nota hans. dykkarane hadde nemleg prøvd iherdig å unngå og hamne opp i lasterommet til John Ronny, for deretter å kanskje bli middag. Dykkarane skal ikkje ha fått større traumatiske skader.

Saka er no blitt politisak og John Ronny vil ha erstatning for skader påført not og båt. Han legg til at dykkerane bør finne seg andre badeplassar, og ikkje øydelegge for lokalt næringsliv på denne måten.

Grøftefyll på Leikong

bygdeposten — Sun, 25 Sep 2011 20:07:49 +0000

Natt til Søndag var det dugnad i Lysløypa på Leikong. Ein mann i 15 – 80-åra var uheldig å hamna i grøfta med bil i det han prøvde og ta kantklippen på ein rask og effektiv måte. Mannen kom unna med lettare skadar, men hadde svalgt mykje myrvatn. Politi og ambulanse kom raskt til staden. Mannen fekk nødvendig førstehjelp av ambulansepersonell, medan politiet sørga for at trafikken gjekk som normalt.

Det er slettes ikkje mistanke om promille seier politiet.

NM i tresko tresteg på Leikong

bygdeposten — Sun, 25 Sep 2011 08:13:15 +0000

I år er det Gurskøy idrettslag sin tur til å arrangere NM i tresko tresteg. Arrangementet vil bli avvikla og innvikla i hennhold til reglemanget i tresko tresteg. Tidspunktet for hendinga er enno ikkje kjent pga. rot i systemet til norsk treskoforbund. Sidan Gurskøy er arrangør er dei førehandskvalifisert med 5 utøvartar. Uttaket er enno ikkje kjent, men vil mest sannsynleg bli offentleggjort i løpet av veka.

Redaksjonen sitt ekspertpanel trur at desse utøvarane frå Leikong vil bli tatt ut til leikane.

Tergel Bråsint
Sliritill Avvik
Hjørdis Tissel Ur
Inneklaso Rentesrente
Langbein Trefot